Nasaan si Pinoy?
(ni Jairus Espiritu)
Nasaan ba si Pinoy?
Hindi ko s'ya makita
Saan ba s'ya naglaboy?
Ikaw, nakita mo na?
Kilala mo ba'ng simoy;
tipong Pinoy talaga?
Madalas, amoy-baboy
Minsan pa, amoy-tapa.
Ano ba talaga, hoy!
Mag-isip ka na totoy!
Amoy-tapa o baboy?
O baka naman kasoy?
Napakagulo mo, a!
Pag-isipan mo muna!
Marahil ay nagtataka kayo kung ano ang inilagay ko sa itaas. Sumubok akong gumawa ng isang Sonetang Pinoy. Napag-isip-isip lang namin ni Arzen, kung mayroong Ingles at Italyanong Soneta, bakit wala ang Pinoy? Kung kaya't kasama namin si Maky, gumawa kami ng ilang panuntunan sa panibagong uri ng panitikang Pinoy:
Ang Filipinong Soneta
Arzen Magadia, Maky Arevalo at Jairus Espiritu
Ano ang nagpapa-Filipino sa isang Soneta?
May detalyeng Filipino (syempre!)
Tugma: ABAB/ABAB/AAAA/BB
Tatlong buong tanaga
Isang kalahating tanaga
Pitong pantig sa isang linya
Labing-apat na linya
Maglalahad ng problema
Maglalahad ng pagpipilian
Magbibigay ng pinili
kasama pala sa paggawa ng panuntunang ito sina Jerome Ignacio at Renzo Santos bilang moral support. :D
No comments:
Post a Comment