Ganito'ng Maglinis ng Bahay

Alas-diyes ng umaga muling nagpakita ang haring araw sa akin. Masakit na ulo ko dahil una, alauna na ako natulog kagabi. Ikalawa, tirik na ang araw pero nakakumot pa rin ako. Syempre, sampung GM na naman ang nasa Inbox ko. Dalawa lang ang nireplyan ko: si Duffie at si Lollipop [ kilala niyo na kung sino kayo ]. May sasabihin daw si Duffie tungkol kay MM [ initials lang yan ]. ayun, tumawag siya at nagkuwentuhan kami habang nanonood ng I Balita sa net25. Inawat na kami ng dakila niyang ama, tama na raw 'yan at top 4 lang daw kasi siya.

Pagbaba ko ng hagdan, 'di ko alam kung bakit bigla yata akong hinatak ngmga paa ko palabas. Kaya naman pala. Isang plastik pala ng styro ang pinagdiskitahan nina Heinz at Gem habang tulog pa ako. Lang hiya! Bumalik muna ako sa loob ng bahay at kumain ng tinatawag na brunch [ lunch plus breakfast in one ], Masarap ang ulam, Musky Pops. Maski papa'no. 'Di ako sarkastiko pero masarap siya. May patatas at itlog ng pugo. Nilalasap ko ang ulang at kanin habang nakikinig sa tape ni tatay ng M2M. Naghahanda na ako para sa susunod na mangyayari.

Una kong piangtuunan ng pansin ay ang dakila kong kompyuter. Dinismantel ko ang mga bahagi nito at maingat na inilapag sa may study table sa tabi nito. Nanlilimahid na kasi sa dumi 'yung rubber mat na pinanssapin namin sa ilalim nito dahil nga sira na ang gulong ng computer table namin. Itinaob ko ang bakante nang computer table at nilagyan ng rubber adhesive skid protector dalawampung taon nang nakatago sa toolbox ni tatay. Bago ko syempre ibalik, winalisan ko muna 'yung pinagtanggalan nung rubber mat. Ang daming hidden treasures. Naroon 'yung inhaler kong ilang buwan na ri nawawala, isang shuttle cock na akala nami'y naubos na namin sa kaka-shoot sa bakod ng may bakod at isang dakot ng balahibo ng balbon naming asong si Gem.

Pagkatapos ng Operation Rubber Mat ay tumungo ako sa aming bodega/dirty kitchen/ kulungan ni Heinz 'pag gabi. Nakakalat doon ang ilan pang mga styro at ang nakataob ng balikbayan box ni tatay noong bata pa ako. Pinagtyagaan kong pulutin isa-isa pero napag-isip-isip ko, "Matalino ka Jairus, mag-isip ka ng mas madaling paraan." Nakaisip naman ako. Winalis ko na lang at ibinalik sa kahon.

Mission accomplished! Kaya lang 'yung mga styro pa pala sa labas. NAg-isip ako kung saan pwedeng ilagay 'yung mga kalat na 'yon. Nakita ko ang butas na naming baldeng kulay bughaw. May laman nang spare parts ng mga makina ni tatay, pero pwede naman sigurong tabunan. Pagkuha ko rito. NAgmistulan akong isang invader sa kaharian ng mga langgam. Do'n pala ang kaharian nila sa bahay namin. Ano pa ba ang kukunin sa mga ganitong pagkakataon? BAYGONG! oo, Baygong. May dalawang kulay sa cabinet, 'yung asul at 'yung berde. Multi-insect killer ang berde habang mosquito killer lang ang asul. Kaya nga lang, 'yung asul na lang ang may laman. Binomba ko ang mga langgam. Namatay naman. 'Di siguro dahil sa lasong taglay ng Baygong ngunit dahil na lang siguro sa lunod.

Inilapag ko ang balde sa tabi ng nagkalat na mga styro sa labas. Kinuha ko ang walis tingining [ pinaarteng walis tingting ] sa likod. Hulaan niyo, pagbalik ko, basa na ang balde. Sino ang salarin? Ang aming matandang asong mukhang hotdog, si Heinz. Sige lang 'ka ko. Ibinalik ko na ang balde sa loob at inilabas na lamang ang basurahan namin. Napuno ko ang basurahan at inilabas na ang garbage bag sa loob nito. Itinabi ko ang walis, dust pan at ang garbage bag na puno na sa may grills ng porch. Pumasok ako para kumuha ng panibagong garbage bag. Isinilid ko ang garbage bag sa basurahan at pinulot ang basang walis tingining para magwalis muli. Teka, basa na naman? HEINZ!

Sa aking pagwawalis, pakaunti na nang pakaunti ang styro. Syempre, 'yung dating pinaglagyan nitong plastik ay naroroon pa. 'Di naman 'yun pwedeng walisin kaya dinampot ko. Hulaan niyo kung ano. Basa ang plastik. Syempe pagpulot ko, nabasa na rin kamay ko at ang basurahang pinaglagyan. Magaling. Alam niyo na naman siguro kung ano na namang kabulastugan ang ginawa ni Heinz.

Nakatapos naman ako nang matiwasay. Natapos nang mananghalian si Nanay at natapos na rin ako sa ginagawa ko. Teka, ano 'yung nasa may gate? Teka lang, may tae pa pala sila ro'n.