Sino'ng magsasabing pwede palang ikuwento sa ganitong paraan ang SEX?

Sa isang maliit na pugad sa taluktok ng Bundok Banahaw nakatira ang mag-anak ng ibong si Manuel. Minsan silang 'di nagkasundo ng kanyang ama't ina kaya't nagpasya itong umalis patungo ng kagubatan. 'Di niya alam ang kanyang gagawin. Ni wala nga sa kanyang isip na lumayas. Nais lamang niya ng kapiranggot na kaligayahan. Kahit pansamantala lamang.

Nagsimulang dumilim ang papawirin. Kinailangan nang maghanap ng masisilungan si Manuel. Nakakita siya ng isang malalim na balon. Isa itong balong malalim na puno ng mga bakod. Pagpasok niya rito'y limang malalambot na bulateng may matatalim na ulo ang pumulupot sa kanya. Pilit siyang ipinasok sa balon. Iniangat siya at ipinasok, iniangat muli at ipinasok nang ang kanyang ulo'y patungo sa balong puno ng bakod. Makailang beses pa itong inulit ng limang bulate hanggang sa nagalit si Manuel. Pinilit niyang umalpas ngunit huli na ang lahat. Naunahan na ang kanyang galit ng pagkahilo. Ang kanyang pagkahilo'y nagdulot upang siya ay masuka. Ang kanyang ibinuga ay unti-unting nangahulog sa balon. 'Di marinig ang paglagapak nito sa sobrang lalim. Umiikot na ang kanyang paligid sa hilo.

Umimpis ang kanyang galit nang siya'y matulog. Naratnan niya ang sariling nakahilata sa lupa ng kagubatan, sa tabi ng balon. Nagsimula nang pumatak ang ulan. Mula roo'y bumaba siya at isang yungib ang kanyang natagpuan. Isa itong napakakitid na yungib. Puno ito ng kung anu-anong mga uri ng halamang bumabalikwas paitaas. Sa kapal ng mga halama'y tila ba wala pang sumubok na kahit ano o sinong nilalang na pumasok sa yungib na ito. Pumatak ang unang tulo ng ulan. Humihiyaw ang naghihinagpis na langit. Sa kanyang pagpasok sa yungib ay mas lalo pang nagsusumigaw ang langit. 'Di nakayanan ng ibong si Manuel ang talim ng mga halaman sa loob ng yungib kaya't bumalik ito sa labas. Basam-basa na ito sa ulan at bingim-bingi na sa mga sigaw ng langit. Muli nitong pinasok ang yungib at lalo pa ulit nagsusumigaw ang langit. Lumakas pa lalo ang ulan. 'Di kasya ang ibon sa yungib.

Pinilit niyang makadaan. Paulit-ulit niyang sinubukang pumasok. Naliligo na siya sa patak ng ulan. Naghuhumiyaw pa rin ang langit. Kumukulog at kumikidlat sa lahat ng dako. Sa wakas ay nakapasok na ito sa yungib. Lalong naglabas ng sigalot ang langit. Kumidlat nang napakalakas at tumama ito sa yungib.

Napakaliwanag. Isang bagong umaga ang ibinunga nito.