Pasiong Mahal ng Diyos Ama

Hambog na sangkatauhan!
Anak ko'y nilapastangan.
ANg bigay kong kabutihan,
Igaganti'y ito lamang?!

Gabriel! Ano'ng mali ko?
Masamang Ama ba ako?
'Di sana siya nagkagan'to
Kung nanatili s'ya rito.

Nagha'mon ang mga tao.
Gabriel, ika'y humayo
At iligtas ang Anak ko
Ipakitang s'ya'y totoo!

Ngunit huli na ang lahat.
Patay na ang Aking Anak!
Namatay s'yang nililibak.
Tabing sa templo'y nawarat.

Ayan, medyo na-inspire akong gumawa ng Pasiong Mahal ng Diyos Ama. Nanggaling 'yung ideya ko sa tula ni Jose Flores Lacaba. Dahil sa ilang araw kong pagpunta sa pakitan-turo ng mga aplikante sa Kagawaran ng Filipino sa Ateneo, naisipan kong gumawa nga ng tula. Dito, imbes na pait,katam at martilyo ang kausap ni San Jose, si Gabriel naman ang kausap ng Diyos Ama. Nais ko lang din ipakitang 'di lang si Hesukristo ang naghirap nang lubos. Syempre, bilang Ama, naghirap din ang Diyos sa Langit. Ayun.